23 тамызда жаңа Конституция негізінде Құрылтай депутаттарының алғашқы сайлауы өтеді

2026 жылғы 23 тамызда Қазақстанда жаңа Конституция негізінде Құрылтай депутаттарының алғашқы сайлауы өтеді 

Бұл – жай ғана кезекті сайлау емес, елдің жаңа жоғары өкілді органын қалыптастыратын тарихи саяси науқан.

Жаңа модель бойынша бұрынғы екі палаталы Парламенттің орнына 145 депутаттан тұратын бір палаталы Құрылтай жұмыс істейді. Депутаттар партиялық тізімдер арқылы бес жыл мерзімге сайланып, заң қабылдау мен мемлекеттік маңызы бар шешімдер қабылдауға қатысады.

Құрылтай атауының өзі халқымыздың тарихи мемлекеттік дәстүрімен сабақтас. Ежелгі құрылтайларда ел тағдырына қатысты маңызды мәселелер талқыланып, ортақ шешімдер қабылданған. Бүгінгі Құрылтай да сол тарихи сабақтастықты жаңа мазмұнда жалғастыруға бағытталған.