Жаңа Конституция – Әділетті Қазақстанның берік іргетасы

Жаңа Конституция – ел дамуының жаңа кезеңін айқындайтын стратегиялық құжат. Ол қоғам сұранысына жауап беріп, мемлекеттік басқару жүйесін жаңғыртуға бағытталған. Конституциялық өзгерістер билік тармақтарының арасындағы тепе-теңдікті сақтауға, Парламенттің рөлін күшейтуге және азаматтардың шешім қабылдау процесіне қатысу мүмкіндігін кеңейтуге жол ашты.

Референдум арқылы қабылданған бұл өзгерістер халықтың саяси белсенділігін арттырып, демократиялық қағидаттарды нығайтты. Азаматтардың тікелей дауыс беруі – ел тағдырына бейжай қарамайтынын көрсететін маңызды қадам. Бұл – қоғам мен билік арасындағы сенімді арттырудың тиімді тетігі.